Aita Donostia eta errusiar musika

Aita Donostiaren omenezko jaialdiaren bigarren edizio honek euskal konpositorearen inspirazio musikal handienetako bat omentzen du: errusiar maisuak. Aita Donostiak mirespen sakona erakutsi zien Igor Stravinsky, Modest Mussorgsky edo Mihaill Glinka bezalako konpositoreei, bere hitzaldietako bat eskaini baitzion. Autore horiek eragina izan zuten haren musika-hizkuntzan eta ikuspegi estetikoan. Oraingoan, jaialdiak Aita Donostiaren obraren eta errusiar musikaren aberastasunaren arteko lotura hori ospatzen du, bere obren bidez herentzia kultural partekatua aztertuz.

Aurten, nazioarteko artista ezagunek parte hartuko dute jaialdian, hala nola Anna Samouil, Tatiana Samouil, Natalia Tchitch, Andrei Korobeinikov, Pavel Gomzyakov eta Josu Okiñen a, baita Easo Abesbatza bezalako talde enblematikoek ere. Beste formazio batzuekin batera, programa bakarra eta anitza osatuko dute. Jarduerak Donostiara eta Madrilera zabalduko dira, eta askotariko formatuak eskainiko dituzte: ganbera-kontzertuak, kontzertu sinfoniko handiak, Aita Donostiaren obraren aldakortasuna eta errusiar musikarekin duen lotura nabarmentzeko diseinatuak.